Áfram Latibær og Glanni Glæpur
Latibær hefur hlotið heimsfrægð síðustu ár með sjónvarpsþáttunum um Íþróttaálfinn, Glanna glæp, Sollu stirðu og félaga. En árið 1996 hlaut Latibær fyrst frægð á Íslandi með leikritum sem voru sett upp í Þjóðleikhúsinu.
Þar kynntumst við fyrst Latabæ, sem var uppfullur af litríkum persónum sem hafa mjög neikvæða afstöðu til allrar hreyfingar og áreynslu og vilja ekki hollan mat. Íþróttaálfurinn kemur til bæjarins til að reyna að breyta ástandinu, en það er ótrúlegt hvað það þarf mikla jákvæðni til að fá íbúana til að láta af lifnaðarháttum sínum…