Vantar gott barnaefni? Hér höfum við tekið saman nokkrar úrvalsplötur úr barnadeildinni, bæði sígildar og þær sem mestra vinsælda hafa notið að undanförnu hjá yngstu kynslóðinni. Þú getur líka valið að skoða í stafrófsröð eftir flytjanda allt barnaefni sem við eigum með því að smella hér fyrir neðan.

Skoða allt barnaefni.

Flytjandi - Titill		Verð
Ýmsir - Stóra barnaplatan II		2.499,-
	Árið 1997 kom Stóra barnaplatan út og nú er henni fylgt eftir með jafn glæsilegu úrvali af frábæru barnaefni. Algjör skyldueign í góðu barnaplötusafni. Meðal flytjenda sem koma fram á plötunni eru Ómar Ragnarsson, Dr. Gunni, Björgvin Halldórsson og fleiri.
Svanhildur Jakobsdóttir - Syngur fyrir börnin -		1.599,-
	Hér er sígilda barnaplata Svanhildar Jakobsdóttur komin á geisladisk eftir að hafa verið ófáanleg í langan tíma.
Gísli Rúnar - Algjör sveppur		1.599,-
	Hin frábæra plata Gísla Rúnars þar sem hann fór með hlutverk sjónvarpsstjörnunnar Palla sem var tíður gestur í Stundinni okkar hér á árum áður. Geysivinsæl á sínum tíma og loks fáanleg á geislaplötu. Enginn ætti að láta þessa stórkostlegu plötu framhjá sér fara.
Ólafur Haukur & félagar - Fólkið í blokkinni		2.199,-
	Hér er komin ný barnaplata eftir laga og textahöfundinn Ólaf Hauk Símonarson. Á þessari plötu er að finna mörg bráðsmellin lög um íbúa fólksins sem býr í blokk í Hólunum. Meðal flytjenda eru: Eggert Þorleifsson, Stefán Karl Stefánsson, KK ofl. Ekki láta þessa framhjá þér fara.
Halli & Laddi - Umhverfis jörðina á 45 mínútum		1.599,-
	Þetta er endurútgáfa af þessari frábæru plötu sem kom út fyrir margt löngu. Þeir bræður fara hér hringinn í kringum jörðina og drepa niður fæti í ólíkum menningarheimum þar sem af nógu er að taka þegar gera á smá grín!
Ýmsir - Leikskólalögin		999,-
	Nafn plötunnar segir eiginlega allt sem segja þarf! Hér er að finna 17 lög sem allir krakkar á leikskólaaldrinum þekkja eins og vettlingana sína! Útsetning og stjórn upptöku var í höndum Stefáns S. Stefánssonar, en það er nafn sem tryggir gæðin! Sjáið lagalistann með því að smella á titilinn.
Ýmsir - Jabadabadúúú!!!		1.599,-
	Þessi vandaða barnaplata inniheldur vinsæl lög úr teiknimyndum frá undanförnum árum og áratugum. Þar á meðal, Hakuna Matata, Í grænum sjó, Síamskattalagið, Við höldum vörð, Ég er vinur þinn, Kóngur klár, Við eigum hvor annan að ofl.
Ýmsir - Emil í Kattholti		999,-
	Já, hann Emil... hann er alveg milljón. Á þessari stórskemmtilegu plötu er að finna 13 frábær lög sem opinbera Emil eins og hann er í raun! Sígild plata með sígildum lögum sem missa aldrei marks í litlum eyrum!
Ómar Ragnarsson - Syngur Fyrir Börnin		999,-
	Allir sem komnir eru á fullorðinsaldur vita hvað Ómar Ragnarsson hefur hefur gert fyrir íslenska tónlistaræsku. Hér er að finna 16 algjörlega sígild lög sem Ómar hefur fært í sinn eintaka búning, lög sem eiga erindi á hvert heimili, hvenær sem er. Smelltu á titilinn og sjáðu lagalistann. Þú þekkir hvert einasta lag!
Margrét Örnólfsdóttir - Hvað á að gera		999,-
	Á þessa plötu hefur Margrét Örnólfsdóttir tekið saman 18 barnalög sem flest hver eru vel kunn og hafa verið það um langa hríð. Margrét stjórnar einnig upptökum og hefur fengið til liðs við sig fjölmarga söngvara sem ljá lögunum hina einu réttu stemmningu. Sjáið lagalistann með því að smella á titilinn.
Laddi - Of feit fyrir mig		999,-
	Laddi er og verður alltaf efst í huga fólks þegar spurningin snýst um skemmtum! Hér flytur hann 12 frábær lög sem hafa hvert fyrir sig notið mikilla vinsælda á Íslandi og munu halda áfram að skemmta komandi kynslóðum á nýrri öld. Smellið á titilinn til að sjá lagalistann.
ýmsir - Nokkur bestu barnalögin		2.199,-
	Á þessari geislaplötu er að finna úrval barnalaga sem hafa flest komið út á ýmsum plötum á undanförnum árum. Alls eru lögin 29 talsins en þar af hafa tvö aldrei verið gefin út á plötum áður. Allir textar fylgja með í efnismikilli bók.
ýmsir - Ávaxtakarfan		1.599,-
	Barnasöngleikurinn Ávaxtakarfan eftir Kristlaugu Maríu Sigurðardóttu með tónlist eftir Þorvald Bjarna Þorvaldsson var frumsýndur þann 6. september 1998 og náði miklum vinsældum. Skemmtileg, litrík og gleðileg plata fyrir yngstu krakkana.
ýmsir - Stóra barnaplatan		2.199,-
	Hér eru saman komin hvorki fleiri né færri en 40 alþekkt lög sem allir krakkar ættu að kunna, enda hafa þau öll notið ómældra vinsælda í gegnum árin. Stóra barnaplatan er örugglega ein albestu barnaplötukaup sem hægt er að gera. Sjáið lagalistann.
Strumparnir - Strumpastuð No 2		1.599,-
	Strumparnir mæta hér til leiks á ný með annan skammt af meiriháttar skemmtilegu strumpastuði. Sem fyrr flytja þeir alkunna smelli, íslenska og erlenda við frábæra texta Jónasar Textastrumps Friðriks. Strumpaplöturnar eru ómissandi þegar stuðið er annrs vegar!
Strumparnir - Strumpastuð		1.599,-
	Strumpastuð ber svo sannarlega nafn með rentu því hér er um að ræða meiriháttar skemmtilega stuðplötu fyrir krakka á öllum aldri. Öll lögin eru þekktir erlendir smellir sem öðlast nýtt líf í flutningi Strumpana við texta Jónasar Friðriks.
ýmsir - Karíus & Baktus/Síglaðir Söngvarar		999,-
	Á þessari geislaplötu er að finna tvö barnaleikrit eftir Thorbjörn Egner, annars vegar hið sígilda leikrit um þá skemmdarvarga Karíus og Baktus og hins vegar söngleikinn skemmtilega Síglaðir söngvarar. Einstök skemmtun og kennslustund fyrir börn.
ýmsir - Kardemommubærinn		1.599,-
	Kardemommubærinn eftir Thorbjörn Egner er fyrir löngu orðin sígilt verk sem nýtur stöðugra vinsælda. Þeir Kasper, Jesper og Jónatan slá alltaf í gegn í flutningi þeirra Ævars Kvarans, Baldvins Halldórssonar og Bessa Bjarnasonar. Allir söngtextar fylgja með í litprentuðum bæklingi.
ýmsir - Dýrin í Hálsaskógi		1.599,-
	Barnaleikritið skemmtilega, Dýrin í Hálsaskógi, eftir Thorbjörn Egner hefur notið vinsælda hér á landi síðan það var fyrst frumsýnt. Hér fara þeir Bessi Bjarnason, Árni Tryggvason, Ævar Kvaran og fleiri á kostum í sígildri túlkun.
Gunni & Felix - Landkönnuðir		1.599,-
	Þeir Gunni og Felix njóta stöðugra vinsælda hjá ungu kynslóðinni. Hér senda þeir frá sér nýja plötu (einnig til á kassettu) þar sem þeir fara í skemmtilegan og fróðlegan ferðaleik með krökkunum og blanda í hann léttum lögum og sniðugum uppákomum.
Hrekkjusvín - Lög unga fólksins		1.599,-
	Lög unga fólksins með Hrekkjusvínunum kom upphaflega út 1977 og náði þegar miklum vinsældum. Nú er hún loksins kominn út á geislaplötu. Er ekki kominn tími til að rifja upp stemmninguna?
Ýmsir - Einu sinni var		1.599,-
	Þessi plata með lögum við vísur úr Vísnabókinni kom fyrst út árið 1977 og sló þá öll sölumet íslenskrar tónlistarsögu. Platan var síðan endurútgefin á geislaplötu árið 1998 í endurbættum hljómgæðum. Frábær, sígild plata sem á brýnt erindi við börn á öllum aldri.
Hattur og Fattur - Nú er ég hissa		2.199,-
	Barnasöngleikurinn Hattur og Fattur, nú er ég hissa eftir Ólaf Hauk Símonarson var frumsýndur í Loftkastalanum 17. mars 1999 í leikstjórn Þórhalls Sigurðssonar og hefur platan með lögunum notið mikilla vinsælda í kjölfarið. Stórskemmtileg og fróðleg plata fyrir yngstu börnin í fjölskyldunni.
Olga Guðrún Árnadóttir - Eniga Meniga		999,-
	Barnaplatan Eniga Meniga með lögum og textum eftir Ólaf Hauk Símonarson í hressilegum flutningi Olgu Guðrúnar Árnadóttur undir stjórn Gunnars Þórðarsonar hefur notið stöðugra vinsælda og var endurútgefin á geislaplötu árið 1995. Allir textar fylgja.